ప్రస్థానం…  (Author: K.విశ్వనాథ రెడ్డి)

జహంగీర్ టాటా ..
జె ఆర్ డి టాటా..
అప్రతిహతంగా సాగిన అభ్యున్నతి బాట...!!

ప్రగతి కై పరితపించి.. పరిశ్రమలు పునాదిగా
కోట్లాది మందికి
కొలువులెన్నో ఉపాధిగా
ఆగిపోని పరంపరలో
అవతరించే రతన్ టాటా
సామాన్యుని కలలెన్నో సాకారం చేసెనట..!!

భరతమాత ఒడి లోని
బంగారం రతన్ టాటా
విలువలకే విలువనిస్తు విస్తరించి ఎదిగెనట!!

సంపదెంత తనకున్నా..
సామాన్యుడు రతన్ టాటా.
సామాజిక బాధ్యతలో
అసమాన్యుడు రతన్ టాటా

ఎవ్వరికి తీసిపోని..
ప్రతిభ మనకు ఉందని...
బహుళ జాతి కంపెనీలు
నెలకొల్పే నేర్పు క్షమత
భారత్ కు సాధ్యమని..
అభివృద్ధిని కాంక్షించి అహర్నిశలు శ్రమించి
తపన పడ్డ స్వాప్నికుడు
తరలి వెళ్ళిపోతుంటే...
తన గుండె.. ఆగినట్టు
తల్లడిల్లే భరతమాత