అస్తిత్వ సంగీతం
అస్తిత్వ సంగీతం (Author: రేపాక రఘునందన్)
ఆ వేలు పట్టి నడిపిన
నా తొలి అడుగు.
తన గుండెలే
నా తొలి అడుగుల నేల.
నా ఊయల జోల.
శిలువైనా.. బాధ్యతల విలువగానే..
కొలిచే ప్రేమమయుడు.
స్వార్థమెరుగని దయా సంపన్నుడు.
కరుణా హృదయుడు.
నా రోల్ మోడల్.
నా వ్యక్తిత్వ గోల్డ్ మెడల్......
నా దారి దీపం.
నిత్య నూతన
శ్రమ సౌందర్యపు చైతన్య రూపం.
బాధలు పంచని
సంతోషాల పూల తోట.
యువతరాల నవీనబాట.
నా ఊపిరి ప్రదాత.
అనంత భావాల నిశ్శబ్ద కావ్యం.
తనకంటూ ఏమి మిగుల్చుకోని
తన నిరాడంబర ప్రేమ
నవ్యాతి నవ్యం.....
ఆర్థిక సంబంధాలే
మానవ సంబంధాలైన చోట
మానవ సంబంధాల
చిలక్కొయ్యకు వేలాడుతున్న
చిరుగుల చొక్కా!?
నాన్నా! ఓ నాన్నా !!
ఏమిచ్చినీ రుణం తీర్చుకోగలను?
ఏ డాలర్ కలలతో
నీ త్యాగం కొలవగలను ?
ఈ నీ బంగారు కొండ కోసం
కనపడని కన్నీటి కొండవైనావు.
బాధ్యతల బరువులు మోసి మోసి
అనుబంధాల పరువు కోసం
ఎన్ని అవమానాలను
దిగమింగావో కదా!
నాన్నా ! ఓ నాన్నా !
నా బాల్యపు ఆనవాలా !
నా గుండె గుడిలో
దివ్య రూపం నీవు.
నా ప్రతి కదలికలో
చైతన్య రూపం నీవు.
నీవే లేకుంటే
ఆ ఉనికికి అర్థమేది?
నీ ఉనికే లేకుంటే
నా బ్రతుక్కి పరమార్ధమేది?
నా అస్తిత్వ సంగీతమా!
నా అనుబంధాల సంతకమా!!
నాన్నా ! ఓ నాన్నా !!
నీ మమకారమే
నిలువెత్తు మానవత్వం.
నీ బాధ్యతల ప్రేమానురాగమే
నన్ను నిలబెట్టు చలన సూత్రం.
2025 సంక్రాంతి సంచిక
అధ్యక్షుని సందేశం (TFAS అధ్యక్షుని సందేశం)
2025 సంక్రాంతి పోటీలలో బహుమతులు (మా సమాచారం)
ఘనంగా న్యూజెర్సీ తెలుగు కళా సమితి దీపావళి సంబరాలు (TFAS కార్యక్రమాలు)
స్వీయ శ్లోకాలు (ప్రత్యేక బహుమతి) (బాలలు)
యత్ర నార్యస్తు పూజ్యంతే - లక్ష్మీ గాయత్రి (మొదటి బహుమతి) (కథలు)
పల్లవించిన ప్రకృతి (మొదటి బహుమతి) (కవితలు)
అనాది ప్రేమికుడు (రెండవ బహుమతి) (కవితలు)
మనసు తలుపు గడియ పడితే ... (కథలు)
మర్యాదగానే ఒప్పేసుకుందాం... (కవితలు)
నీ చల్లని ఒడిలో సేదదీర్చవూ! (కవితలు)